Commons:Up!/scn

Up! è n'applicazzioni Java sìmplici idiata pi facilitari lu carricamentu massivu di file. L'applicazzioni è attualmenti n fasi di beta test e è nicissariu lu vostru aiutu p'assignalàrinni malfunziunamenti evintuali. Si aviti ntinzioni di dari na manu lassati la vostra firma ntâ sizzioni Testers dâ pàggina n lingua origginali.

Aspetti ginirali

A diffirenza d'àutri applicazzioni pô carricamentu massivu nta Commons, Up! pirmetti di carricari un gruppu di file supra lu stissu argumentu simplicimenti scrivènnunni una vota sula pi tutti la discrizzioni (si p'esempiu si vulìssiru carricari cincu fotu dûn ciuri scattati di tanti angulazzioni, abbastassi nnicari sulu una vota la discrizzioni dô ciuri e la basi dô nomu dô file, senza aviri a riscrivìrilu cincu voti comu succedi cu Upload Wizard, quannu nun addirittura aviri a effittuari cincu carricamenti siparati cô tool base di Commons).

Tràmiti Up! è noltri pussìbbili carricari file dê diminzioni màssimi di 500 Mb.

Chiuttostu ca sustituiri Upload Wizard e àutri sistemi di carricamentu, Up! è n'ausiliu ultiriuri ca si rivorgi ê cuntribbutura di file di grossi diminzioni accumunati timaticamenti, c'aiuta a autumatizzari opirazzioni ripititivi comu catigurizzazzioni, discrizzioni e assignazzioni di noma file sìmili.

Riquisiti di sistema

Essennu scrittu n Java, Up! funziona nta qualegghiè sistema opirativu c'havi Java nstallatu. La virsioni mìnima addumannata è la 6 o supiriuri (cuntrullati ccà la distribbuzzioni Java nstallata ntô vostru computer).

Download

Up! 0.1 è dispunìbbili n furmatu .zip; pi facilitàrivi lu còmpitu, ccà sunnu prisenti li link ê siti di download:

• Windows: [1];
• Mac - Unix: [2].

Pi l'utenti chiù ca àbbili è dispunìbbili lu file .jar a stu URL.

Lanciu di l'applicazzioni

Si aviti scarricatu unu dê .zip nnicati, pruciditi a spacchittàrilu ntô vostru PC nta na directory di vostra scigghiuta e appoi lanciàtilu; nta Windows abbisogna lanciari lu file cu estinzioni .bat, nta Mac e Unix Up-v0.* (si vi veni addumannatu chi tipu d'applicazzioni è, silizziunati "Tirminali").

Usu di l'applicazzioni

1. Appena lanciatu Up! addumanna l'immissioni dê vostri dati di login nta Commons;
2. a siguiri, vi veni addumannatu di nnicari la directory ntô PC dâ quali pigghiari li file di carricari; putiti macari nnicari suttadirectory, purchì tutti facenti parti di l'àrvulu dâ directory nnicata n pricidenza;
3. noltri v'addumanna di nnicari, p'ogni directory, la discrizzioni dê file cumuni pi tali directory; li dati addumannati sunnu:

   • Category (obbligatoriu): armenu na catigurìa unni pòniri li file, senza lu prifissu Category:; pi nziriri chiù di na catigurìa siparàrili cô doppiu tag pipe (|): p'esempiu, pi nziriri li catigurìi [[Category:Good Pictures]] e [[Category:Dogs]], diggitari Good Pictures||Dogs; è pussìbbili nziriri chiavi d'ordinamentu cô schema, p'ogniduna d'iddi, Catigurìa|Chiavi;
   • Diff Desc: di default copia quantu di vui scrittu ntô campu Category; autrimenti nzirisci la discrizzioni ca voi scriviti na vota spuntata la casedda;
   • Diff Filename; di default usa lu nomu dô file; si spuntata la casedda, putiti usari un nomu basi, p'esempiu Jattareddi nìuri pilusi e lu prugramma agghiunci un prugrissivu (Jattareddi nìuri pilusi1.ext, etc.) mantinennu l'estinzioni origginali dô file;
   • Diff Source; di default è {{own}}; spuntari la casedda pi canciàrila;
   • Diff Author; di default è chiddu ca càrrica; spuntari la casedda pi canciàrilu;
   • Diff Lic; di default è {{self|GFDL|cc-by-sa-3.0,2.5,2.0,1.0}}; spuntari la casedda pi canciàrila;
   • Date Override; di default chidda nnicata nta l'EXIF o n sò mancanza chidda di l'ùrtimu canciamentu; spuntari la casedda pi canciàrila.

4. Na vota tirminatu, fari click nta Ok. Na barra di statu vi teni nfurmati supra la prugrissioni pircintuali.

Cullaudatura

• Jiti a Testers

Rivisioni

• 0.1 - Carricamentu file, mplimintazzioni dô sorting pê catigurìi, supportu pi file di diminzioni granni finu a 500 Mb.

Licenza

Up! è rilasciatu n Creative Commons Attribution-ShareAlike 3.0 Unported License. Lu còdici surgenti nun è attualmenti dispunìbbili, ma nn'è a brevi rilasciata na virsioni cumpleta ducumintata. È pussìbbili addumannari a Fastily n'abbozzu dâ ducumintazzioni (avvirtenza: nun faciti casu a l'aspettu. Di l'abbozzu, si ntenni).